ഏതാനും വർഷങ്ങൾക്ക് മുൻപ് ,കൊടുവിള പള്ളിയിലെ വിശുദ്ധ ബലിയിൽ പങ്കെടുത്തു വീട്ടിലേക്കു തിരികെ നടന്നു വരുന്ന നേരം .എന്റെ കൂടെ ഒരു കൂട്ടുകാരനുമുണ്ട് റോണി ...,എന്റെ ഈ കൂട്ടുകാരൻ ഒരു കാലത്ത്‌ പള്ളിയിൽ വരുകയോ ,അല്ലെങ്കിൽ പളളിയിൽ വന്നാൽ തന്നെ വളരെ അലസനായി പള്ളി മുറ്റത്ത്‌ കാണപെട്ടിരുന്ന ഒരാളായിരുന്നു . പക്ഷെ ഇപ്പോൾ അദേഹം ധ്യാനമൊക്കെ കൂടി വളരെ നല്ല ഒരു മാതൃക ജീവിതം നയിക്കുന്ന സമയ മായിരുന്നു അത്...ഞങ്ങൾ പതിയെ നാട്ടു വര്തമാനമോക്കെ പറഞ്ഞു മുന്നോട്ടു നീങ്ങവേ പിറകില്നിന്നു എന്റെ സുഹൃത്തിനെ ആരോ പേര് പറഞ്ഞു വിളിച്ചു..ഞങ്ങൾ രണ്ടും പേരും വിളി കേട്ട ദിക്കിലേക്കു നോക്കി ..പണ്ട് ഞങ്ങളുടെ കൂടെ അലമ്പ് കാണിച്ചു നടന്ന ഒരു സുഹൃത്താണ അത് . ഏകദേശം 2-3 വർഷങ്ങൾക്കു ശേഷം കാണുകയാണ് അവനെ ഞങ്ങളപ്പോൾ ...പഴയ സുഹൃത്തിനെ കണ്ട സന്തോഷത്തിൽ ഞങ്ങൾ കുശലം പറച്ചിൽ ആരംഭിച്ചു .മൂവരും തങ്ങള് ഇപ്പോൾ എന്തു ചെയ്യുന്നു എന്നൊക്കെ പറഞ്ഞു ..ഞങ്ങളുടെ പഴയ സുഹൃത്ത്‌ ദുബായി ജോലി ചെയുകയാണെന്നു 1 മാസത്തെ അവധി ക്ക് നാട്ടിൽ എത്തിയതായിരുന്നു ....
വർത്തമാനമൊക്കെ കഴിഞ്ഞു പിരിയുന്ന നേരം എന്റെ സുഹൃത്തിനോട്‌ പഴയ ആ സുഹൃത്ത്‌ ഒന്നും കളിയാക്കികൊണ്ട്‌ ചോദിച്ചു " അല്ല അളിയാ നീയിപ്പോൾ ഭയങ്കര ഭക്തി മാർഗത്തിൽ ആണെന്നു കേട്ടല്ലോ ...നേരാണോ?...എനിക്ക് കേട്ടിട്ട് വിശ്വാസം വന്നില്ല ...അതുകൊണ്ടാ ചോദിക്കുന്നത് ."മറുപടിയായിട്ട്‌ ഒരു ചിരിയോടെ എന്റെ സുഹൃത്ത്‌ പറഞ്ഞു " ദൈവത്തെ ക്കുറിച്ചും ആ സ്നേഹത്തെയും കുറിച്ച് മനസ്സിലാക്കിയപ്പോൾ ജീവിതത്തിനു കുറച്ചു മാറ്റമൊക്കെ വരുത്തി എന്നേയുള്ളു സഹോദര ...."
അതുകേട്ടപ്പോൾ പഴയ സഹപാടി വീണ്ടും ചോദിച്ചു " അപ്പോൾ നീ വെള്ളമടിയും വലിയുമൊക്കെ നിറുത്തിയോ?മറുപടിയായിട്ട്‌ "നിറുത്തി" യെന്നു എന്റെ സുഹൃത്ത്‌ പറഞ്ഞു .അപ്പോൾ പഴയ സഹപാടി വീണ്ടും ചോദിച്ചു " എടാ ഇതൊക്കെ നിറുത്തിയാൽ പിന്നെ എങ്ങനെ യാണ് ജീവിതം ഒന്ന് enjoy ചെയ്യുവാൻ പറ്റുന്നേ ....നിനക്കൊരു 4-5 കൊല്ലമൊക്കെ കഴിഞ്ഞു ഇതൊക്കെ നിറുത്തിയാൽ പോരെ ...എടാ ഇപ്പോഴാണ് ജീവിതം മാക്സിമം എന്ജോയ്‌ ചെയ്യാൻ പറ്റുകയുള്ളൂ .....നീ വാ നമുക്കു കുണ്ടറ മോഡേണ്‍ ബാറിൽ ഒന്നുപൊയീ ചെറുതൊരെണ്ണം കഴിക്കാം ...ഫുൾ ചെലവും ഇന്നു എന്റെ വക ...." റോണി ഒരു ചെറിയ ചിരിയോടുകൂടി ആ ക്ഷണം നിരസിച്ചു.പഴയ ആ സുഹൃത്തിനു നിരാശയോടെ മടങ്ങേണ്ടി വന്നു ...ഞങ്ങൾ വീണ്ടും യാത്ര തുടർന്നു.
ഞങ്ങൾ ഏകദേശം 50 മീറ്റർ മുന്നോട്ടു നടന്നപ്പോൾ ഞങ്ങളുടെ വേറൊരു പഴയ സുഹൃത്ത്‌ റാണിയെ കണ്ടുമുട്ടി ...ഞങ്ങളെ കണ്ട മാത്രയിൽ അവൾ എന്റെ കൂട്ടുകാരാൻ രോനിയോടു യോട് ഇങ്ങനെ ഒരു ചോദ്യം " എടാ റോണി നിനക്ക് എന്നാ ഒരു ഭക്തിയാ ...മുഴുവൻ നേരം കൈ കൂപ്പി പള്ളിയിൽ നില്കാൻ നാണമില്ലേ ....? എനിക്കത് കണ്ടപ്പോൾ നല്ല ചിരിയാണ് വന്നത് ." റാണിയുടെ ആ ചോദ്യം ഞാനും ചോദിക്കുവാൻ കൊതിച്ചിരുന്ന ഒരു ചോദ്യമായിരുന്നു ..വളരെ ശാന്തനായി റോണി ചോദിച്ചു ...റാണി നീ എന്തിനാണ് പള്ളിയിൽ പോകുന്നത് ? " പ്രാർത്ഥിക്കാൻ " മറുപടി വളരെ പെട്ടന്നായിരുന്നു . "ഞാനും പ്രാർത്ഥിക്കാനാണ് പള്ളിയില പോകുന്നത് ...പക്ഷെ എനിക്ക് കൈകൾ കൂപ്പി പ്രാർത്ഥിക്കുന്നതാണ് ഇഷ്ടം ."
ഒരു ഉദാഹരണത്തോടെ റോണി തുടർന്നു ..നമ്മൾ ഇപ്പോൾ നടന്നു പോകുന്നാ വഴി ഒരു വിശിഷ്ട അഥിതിയെ കണ്ടാൽ നമ്മൾ ബഹുമാന പൂർവ്വം അദേഹത്തെ വണങ്ങു ക യില്ലേ ....മന്ത്രിമാരെയും ,ഉന്നത പദവികൾ വഹിക്കുന്നവരെയും നമ്മൾ കൈകൾ കൂപ്പി വണങ്ങും ....അതിനു നമുക്ക് നാണവും ലജ്ജയുമില്ല ...പക്ഷെ നമ്മെ സൃഷ്ടിച്ചു ,പരിപാലിക്കുന്ന ദൈവത്തിന്റെ മുൻപിൽ കൈകൾ കൂപ്പി നില്ക്കാൻ നമുക്കു നാണവും മടിയുമാണ് ..." രോനിയുടെ ആ മറുപടി എന്നെ ശരിക്കും ഞെട്ടിച്ചു . മനുഷരുടെ മുൻപിൽ നമുക്ക് കൈകൾ കൂപ്പാനും ,കുംബിടുന്നതിനു ഒരു മടിയുമില്ല . എന്നാൽ അങ്ങനെ ചെയ്യെണ്ടവന്റെ മുൻപിൽ വരുമ്പോൾ എല്ലാവര്ക്കും നാണവും മടിയും അല്ലെ?
പിന്നീടു പള്ളിയിൽ പ്രാർത്ഥിക്കുമ്പോൾ കൈകൾ ഞാൻ കൂപ്പിയിട്ടുന്ടെങ്കിൽ അന്നൊക്കെ ഞാൻ ഞാൻ രോനിയെ ഓർത്തിട്ടുണ്ട് ..
.വിശക്കുന്ന ഒരുവനു ഒരു നേരത്തെ ഭക്ഷണം നൽകുവാൻ ഇവിടെ ആരുമില്ല.. പക്ഷെ മദ്യപിക്കാത്ത ഒരുത്തന്നു ഫ്രീ ആയി മദ്യം മേടിചുകൊടുക്കാൻ ഒത്തിരിപേർ ഉണ്ട്.പള്ളിയിൽ കൈകൂപ്പി നില്ക്കുവാൻ ലജ്ജിക്കുന്നവരും , കൈകൂപ്പി നില്ക്കുന്നവരെ കളിയാക്കാനും മടിയില്ലാത്ത ഒരു പറ്റം വിശ്വാസികളും ...ഒരു മദ്യപാനി അവന്റെ മദ്യപാനം നിറുത്തി നന്നായാൽ ,അവനെ പരിഹസിക്കുന്ന ഒരു സമൂഹമാണ്‌ ഇന്നു നമുക്ക് ചുറ്റും . നമ്മുടെ സമൂഹത്തിനു എന്ത് പറ്റി ? നമ്മുടെ കുടുംബ ങ്ങല്കക്ക് എന്ത് പറ്റി ? കുറച്ചു കൂടി വ്യക്തമാകണമെങ്കിൽ ഞാൻ എന്നോടുതന്നെ ചോദിക്കണം എനിക്ക് എന്ത് പറ്റി എന്ന് .
നമ്മൾ അറിഞ്ഞും അറിയാതെയുമൊക്കെ പലപ്പോഴും മറ്റുള്ളവരിലെ പ്രകാശത്തെ ഊതി കെടുത്തുവാൻ കാരണമായിട്ടുണ്ടോ?വി .മത്തായി യുടെ സുവിശേഷം 18.6-7 വചനങ്ങൾ നമ്മൾ ഇതോടൊപ്പം ചേർത്ത് വിചിത്നം ചെയ്യുന്നത് വളരെ നല്ലതാണ് ...മറ്റുള്ളവർക്ക് ഒരു പ്രലോഭന ഹേതു ആകാതെ ...മറ്റുള്ളവരിലെ നന്മയെ പ്രോത്സാഹിപിക്കുന്ന നല്ല അയല്കാർ ആയിട്ടു നമ്മുടെ ജീവിതങ്ങളെ നമുക്ക് മാറ്റിയെടുക്കാം ..മറ്റുള്ളവരുടെ ഇൻബൊക്സിലെക്കു പ്രലോഭന ഹേതുവായ സന്ദേശങ്ങൾ കൈമാറാതെ , നമയിലേക്ക് അടിപ്പികം
തിരുസഭയുടെ ശരീരത്തിലെ അംഗ ങ്ങളായ നമ്മുടെ കുറവുകൾ തിരു വചനത്തിന്റെ വെളിച്ചത്തിൽ കണ്ടെത്തുവാനും അവ പരിഹരിക്കാനും നമുക്ക് ശ്രമിക്കാം.
