വളരെ പ്രധാനപ്പെട്ടത്...പ്രിയ കൂട്ടുകാരെ, നമ്മള്‍ ദൈവത്തില്‍ വിശ്വസിക്കുന്നുണ്ടോ എന്ന് ആരെങ്കിലും ചോദിച്ചാല്‍ നമ്മള്‍ ഉണ്ട് എന്ന് വേഗം മറുപടി പറയും. എന്നാല്‍ ഏതു ദൈവത്തിലാണ് നമ്മള്‍ വിശ്വസിക്കുന്നത് എന്ന ഒരു ചോദ്യം അവശേഷിക്കുന്നു. നമ്മള്‍ വിശ്വസിക്കേണ്ടത് നമ്മുടെ രക്ഷകനും നാഥനുമായ യേശുക്രിസ്തുവിന്റെ പിതാവും നമ്മുടെ സൃഷ്ടാവുമായ പിതാവായ ദൈവത്തിലാണ് നമ്മള്‍ വിശ്വസിക്കേണ്ടത്. കാരണം ദൈവത്തിന്റെ ഏകപുത്രനും ദൈവത്തോടുകൂടെ, ദൈവം തന്നെയുമായിരുന്നവനുമായ വചനമായ യേശുക്രിസ്തു ആണ് നമുക്ക് അത് വെളിപ്പെടുത്തിയത്. അതിനോടൊപ്പം സ്വര്‍ഗസ്ഥനായ ആ ദൈവം നമ്മുടെ പിതാവാണ് എന്നും യേശു നമ്മെ പഠിപ്പിച്ചു. അതുകൊണ്ട് തന്നെ നമ്മള്‍ വിശ്വസിക്കുന്നത് ഏതെങ്കിലും ഒരു ദൈവത്തിലല്ല, അനേകം ദൈവങ്ങളിലുമല്ല, മറിച്ചു, നമ്മുടെ കര്‍ത്താവായ യേശുക്രിസ്തുവിന്റെ പിതാവായ ദൈവത്തിലാണ് നമ്മള്‍ വിശ്വസിക്കുന്നത്... മറക്കരുത്.. ആ ദൈവം പിതാവും പുത്രനും പരിശുദ്ധാതമാവുമായ ദൈവമാണ്.